Verse 4

1

آیت میں کَالُوْھُمْ کے الفاظ ہیں جس کے معنے ہیں ان کو تول کر دیتے ہیں۔ مگر چونکہ پہلی آیت میں ان کا ذکر ہے جن سے تول کر لیا جاتا ہے اور دوسری آیت میں ان لوگوں کا ذکر ہے جن کو تول کر دیا جاتا ہے اور سلوک بھی مختلف قسم کے بیان کئے ہیں۔ یعنی ایک پر زیادہ لے کر ظلم کیاگیا ہے اور ایک کو کم دے کر ظلم کیا گیا ہے اس لئے صاف ثابت ہو گیا کہ یہاں ایک قوم نہیں بلکہ دو الگ الگ قوموں کا ذکر ہے اس لئے ہم نے ترجمہ میں دوسروں کا لفظ بڑھا دیا ہے۔